اسپیشل فیچر

×

اسپیشل فیچر

میر غلام حسین

بند کریں

نام ،میر غلام حسین تخلص، حسن۔1727 میں دلی میں پیدائش۔ والد کا نام میر غلام حسین ضاحک تھا۔ جد امجد میر امامی ایران سے دلی آئے۔ ابتدائی تعلیم والد سے حاصل کی۔ میر حسن فطری شاعر تھے۔ شروع میں والد سے اصلاح لیتے رہے، بعد میں خواجہ میر درد سے استفادہ کیا۔ آغازِ شباب میں والد کے ہم راہ فیض آباد گئے، بعد میں لکھنؤ آگئے اور ضیا الدین ضیا کے شاگرد ہوئے لیکن میر اور سودا کا رنگ مرغوب تھا۔ شاعری بزرگوں سے میراث پائی تھی۔ زندگی ہی میں بامِ شہرت پر پہنچ گئے اور بہ قول آزاد ’’زمانے نے اُن کی سحر بیانی پر تمام تذکرہ نوسیوںسے محضرِ شہادت لکھوایا۔‘‘ 1786 میں لکھنؤ میں انتقال کیا۔ ’’شاعرِ شیریں زبان‘‘ سے مصحفی نے تاریخ وفات نکالی۔ ایک دیوان جو جملہ اصنافِ سخن پر حاوی ہے۔ گیارہ مثنویاں اور فارسی زبان میں ’’تذکرہ شعرائے اردو‘‘ جو 1774م، 1778م، کے درمیان لکھا، یاد گار ہیں۔میر حسن کا کلام سادہ، زبان شستہ اور مضامین عاشقانہ ہیں۔ مثنویوں میں ’’سحرالبیان‘‘ اور گلزارِ ارم‘‘ قابلِ ذکر ہیں۔ خصوصاً ’’سحرالبیان‘‘ کو جو مقبولیت حاصل ہوئی ہے، وہ اردو زبان کی کسی مثنوی کو نہیں ہوئی۔ اس کی بہ دولت اُن کے سر پر بقائے دوام کا تاج رکھا گیا۔ یہ مثنوی 1785م، میں مکمل ہوئی۔ میر حسن کی خصوصیت منظر نگاری اور جذبات کی ترجمانی ہے۔ مضمون کی شوخی، بیان کی صفائی اور محاورے کا لُطف قابلِ دید ہے۔ زبان ایسی پاکیزہ ہے کہ دو سو، سوا دو سال گزر جانے کے بعد بھی آج کی زبان معلوم ہوتی ہے۔ صدہا شعر ضرب المثل کے طور پر مستعمل ہیں۔نمونۂ کلام (مثنوی)وہ سنسان جنگل وہ نورِ قمروہ برّاق سا ہر طرف دشت و دَروہ اُجلا سا میداں چمکتی سی ریتاُگا نور سے چاند تاروں کا کھیتدرختوں کے سائے سے مَہ کا ظہورگرے جیسے چھلنی سے چھن چھن کے نورغزلپھر چھیڑا حسن نے اپنا قصہبس آج کی شب بھی سو چکے ہمنہ تھمتی تھی آہیں، نہ رکتے تھے آنسوحسنؔ تجھ کو کیا رات غم تھا کسی کاجب قفس میں تھے تو تھی یادِ شمن ہم کو حسناب چمن میں ہیں، تو پھر یادِقفس آتی نہیںرہے جس میں خطرہ سدا نیستی کابس اے زندگی ایسی ہستی سے گزرےنو گرفتاری کے باعث مضطرب صیاد ہوںلگتے لگتے جی قفس میں بھی مرا لگ جائے گا

روزنامہ دنیا ایپ انسٹال کریں